Content on this page requires a newer version of Adobe Flash Player.

Get Adobe Flash player

Photo of Byron Bay - one of Australia's best beaches!

akhristo:M/weyne Xasan oo wareysi siiyay Joornaalka Alxayaat

Madaxweynaha dawlada federaalka Soomaaliya Mudane Xasan Sheekh  ayaa wareysi uu dhowaan siiyey Wargeyska al Xayaat ee afka Carabiga ku soo baxa ayuu uga sheekeeyay sida uu u qaato jadwalkiisa maalinlaha ah ee uu ku sugan yahay xafiiska madaxtooyada Villa Soomaaliya.
Madaxweyne Xasan Sheekh oo 56-jir ah ayaa sheegay inuu shaqeeyo 20 saacadood oo xiriir ah, uuna soo galo 8:00 subaxnimo maalin kasta.
“Habeen kasta waxaan gurigeyga tagaa 2:00 saqda dhexe, waxaana soo toosaa aniga oo dareemaya daal fara badan.” ayuu yiri Xasan Sheekh Maxamuud.
Wuxuu ka sheekeeyay waayo aragnimadiisa uu u leeyahay marxaladihii dalku soo maray mudaddii burburka ee uu isaguna ka shaqeynayay ururada maxalliga ah.
“Waa markii ugu horeysay oo madaxweyne uu Soomaaliya ka noqdo shakhsi darsay dhibaatooyinka ka jira Soomaaliya.” ayuu wargeyska u sheegay madaxweynaha oo tilmaamay inuu isagu ahaa nin noloshiisa inteeda badan ku qaatay gudaha Soomaaliya.
“Wixii dalka ka dhacay labaatanka sano ee fawdada iyo burburka goobjoog ayaan u ahaa.” ayuu yiri madaxweynuhu.

Buugaagta uu akhriyo madaxweynaha

Madaxweyne Xasan wuxuu wargeyska u sheegay in aroortii laga bilaabo 6:00 subaxnimo illaa 7:30 inta uu ku sugan yahay gurigiisa oo aan ka baxsaneyn xeyndaabka Villa Soomaaliya inuu akhriyo buugaagta iyo kutubada ay qoreen dad aqoonyahano kala duwan uuna jecel yahay inuu wax ka kororsado.
“Waxaan akhriyaa kutubka la yiraahdo “Dhakhtarkii Guriga” ee uu qorey raysul wasaarihii hore ee Malaysia Mahatir Mohamed oo ahaa ninkii isbedelka dhaqaale u horseeday wadankiisa.” ayuu yiri Xasan Sheekh Maxamuud.
Wuxuu kaloo madaxweynuhu sheegay inuu akhriyo buugga kale ee la yiraahdo “Dib u Hagaajinta Wadamada Fashilmay” kaasoo ay qoreen labo nin oo qoraaya ah oo lagu kala magacaabo Ashraf Qani iyo Clare Lockhart.

“Waxaan rumeysanahay in Soomaaliya maanta ay heysato hoggaan karti u leh inay la yimaadaan isbeddelm hoggaan awoodu leh inay keenaan isbeddelka, sidaasi darteed waxaan qabaa in Soomaaliya ay dib ugu soo laabatay dhabihii saxda ahaa.” ayuu sii raaciyey madaxweynuhu.

Wixii uu kala kulmay Villa Soomaaliya:

Madaxweynaha waxaa uu ka sheekeeyay wixii uu kala kulmay xafiiskiisa markii uu xilka la wareegay isagoo qeexay in baaxada burburka iyo dhibaatada hortaalla uu dareemay maalintii labaad ee ku xigtay maalintii isaga la dhaariyey.
“Waxaa iigu yaab badnaa markii saraakiisha amaanka ay ii sheegeen inaysan awood u lahayn inay maareeyaan ciidamada dawlada waayo shan bilood wax mushahar ah lama siinin, xitaa cunto ma heysanin ciidamada.” ayuu yiri madaxweynaha oo ssheegay in taas ayba uga sii darneydmarkii Agaasimihii Bangiga Dhexe iyo Agaasimaha Wasaaradda Maaliyada ay ku soo wargeliyeen inuusan HAL SHILIN ku jirin khasnada dawlada oo “wixii lacag ahaa ay la bexeen madaxdii hore”.
Wuxuu yiri “taas waxay keentay in kaaliyaasheyda aan ka dalbado inay ii soo ballamiyaan ganacsatada Muqdisho si aan u weydiisto inay dawlada lacag siiyaan si mushaharka looga dhigo ciidamada.”.
Wuxuu kaloo sheegay inuu telefoono kula hadlay madax ka tirsan beesha caalamka uuna ka dalbadey wixii dhaqaale ah ee Soomaaliya loo hayo in deg deg loogu soo dito, laakiin nassiib darro ay lacagtii ugu horeysay dawlada soo gaartay mudo hal usbuuc ah kadib.
Madaxweynuhu wuxuu sheegay in xafiiska Villa Soomaaliya aanu ugu imaanin dad karti u leh hawsha madaxtooyada sida qeybta la taliyaasha iyo qeybta baratokoolka dhibaataduna ay ahayd amni darrada iyo caqabadaha siyaasadeed ee dalka ka jirtay mudada dheer in dadka soo haray ay ahaayeen dad aan karti lahayn ama aanu qalmin shaqada.
“Arrimahaas ma ahayn kuwo iga yaabiyey aniga laakiin haddana ima dhiirigelin.” ayuu u sheegay wariyaha.
Xasan Sheekh Maxamuud ayaa wargeyska u sheegay inuu qortay masuuliyiin cusub xafiiskiisa sida madaxda shaqaalaha madaxtooyada, madaxa barotokoolka, madaxa maaliyadda iyo madaxa amniga gaarka ee madaxweynaha.
“Marka loo eego xageyga waa wax aad u yar, waxaase aad iila weyn waa dhismaha heykalka dawladeed.” ayuu sheegay markii uu ka hadlayay xafiiskiisa.
Mar uu madaxweynuhu ka hadlay waxyaabaha uu iska bedelay aragti ahaan, wuxuu sheegay in isaga weligiis uusan u ogolaan gurigiisa ruux hub sita ama inuu baabuurkiisa la raaco, laakiin markii uu madaxtooyada tagay uu bilaabay inuu la saaxiibo saraakiisha amaanka waqti badana ay wada qaataan maalin kasta, inkaastoo uu haddana taxadaro, sida uu yiri.

Aragtidiisa Xarakada Al Shabaab

Mar uu ka hadlay ururka A Shabaab wuxuu sheegay in maamulkii ururku uu burbur badan soo wajahay, ayna ku dhow yihiin inay kala firxadaan, haddana wuxuu cadeeyay in Al Shabaab ay tahay koox adag oo dhib badan.
“Waxay qaadaneysaa illaa saddex sano inaanu ka ciribtirno dalka.” ayuu yiri isagoo sheegay in muuqaal ahaan iyo militari ahaanba haddii Al Shabaab ay dhamaadaan uu weli sii joogi doono fikirkii ay dhalinyarada Soomaaliyeed ku shubeen kaasoo uu sheegay inuu waqti badan ku qaadan doono sidii dhalinyarada looga saari lahaa fikirkaasi.
“Waa koox adag, waay waxay leeyihiin garab ajaaniib ah , kuwa Soomaalida ahna wax yar ayey talada ku leeyihiin.” ayuu yiri madaxweyne Xasan Sheekh.
Wuxuu madaxweynuhu ka codsaday beesha caalamka in dawladiisu ay u baahan taageero dhaqaale, mid farsamo iyo mid diblomaasiyadeed si ay u noqoto dawlad buuxda.


<

Akhriste Halkani Hoose Ku Qor Fikradada (0)


Comments are closed.

Xaabsade- Xagee iska shabahaan Xaabsade iyo Xaglo-toosiye ?
- Oct 31, 2014
Iyadoo aysan mudnayn in qalin lagu qoro Xaabsade iyo Xaglo Toosiye, hadana waxaa dareenkayga ...
??????????????????????????????? Xisbi Siyaasadeeda Tayo Laantiisa Sudan oo Xafiis Ka Furatay Gobolka Gadarif
- Oct 31, 2014
  ...
moon Xoghayaha guud ee Q.M Banki Moon oo Mudisho soo gaaray (SAWIRRO)
- Oct 29, 2014
Ban Ki Moon oo diiday Garoonka Muqdisho inuu ku qaabilo M/weyne Xasan Culusoow iyo ...
??????????????????????????????? xaflad ay soo qaban qaabiyeey urur weynaha midowga Ardayda ka qalan jabisay iskulka Imaamu Al Nabawi Ee dalka Sudan oo ka dhacday khartoum+Sawiro
- Oct 29, 2014
  Dallada Mideesa Ardada Ka Soo Baxay Dugsiga Imamu Nabawi Ee Wax Kabarta Sudan   Ayaa ...
jidbaale Khaatumo oo Xubno u Dirsatay Shirkii Ferederaalismka ee Adis-Ababa( Sawiro)
- Oct 27, 2014
Adis-Ababa( Galgalanews) Shir ay isugu yimaadeen xubnihii maamulka Khaatumo uga qayb galay shirkii Addis ...
Maxamed Abdulqaadir Masuul ku dhaliilay Madaxda Puntland shir uu ku qabtay Garowe “Daawo”
- Oct 27, 2014
Agaasimihii horre wasaarada deegaanka iyo duurjoogta Puntland Maxamed Cabdulqaadir Barre ayaa maanta shir jaraa,iid ...